မိခင်ဒုက္ခခံခဲ့ရတဲ့ အရာသုံးခုရှိပါတယ် အဲ့ဒီခံစားမှုမျိုးကို ဖခင်တောင် မသိနိုင်ပါဘူး။
၁။ကိုယ်ဝန်ဆောင်တဲ့ ကိုးလတာကာလမှာ ကိုယ်ဝန်ကိုလွယ်ထားရတဲ့ဒုက္ခ။
၂။မွေးဖွားတဲ့အချိန်မှာ ခံစားရတဲ့ဒုက္ခ။
၃။မွေးဖွားပြီးတဲ့နောက်ပိုင်း ခန္ဓာကိုယ်ရဲ့ အသွေးအသားတွေကနေ နို့အသွင်ဖြစ်ပေါ်လာပြီးတဲ့နောက်ပုိုင်း နို့တိုက်တဲ့ဒုက္ခ။
မိခင်ဆိုတာ လူသားအတွက် အတိုင်းအဆမဲ့ ချစ်ခင်ကြင်နာတဲ့ ပြယုဂ်ပါ။ အလ္လာဟ်ဘက်က ချီးမြှင့်ပေးတဲ့ ကြီးမားတဲ့နေအ်မသ်တစ်ခုလဲဖြစ်တယ်။ မိခင်ခံစားခဲ့ရတဲ့ အခက်အခဲတွေ ဒုက္ခတွေဟာ မိခင်ကိုသာသိနိုင်ပြီး အဖေတောင်အဲ့ဒီခံစားမှုမျိုးကို မသိပါဘူး။
အဲ့ဒီဒုက္ခတွေထဲမှာ ပြင်းထန်တဲ့ သုံးခုက…
(1)ကိုယ်ဝန်ရှိလာပြီဆိုတဲ့အခါ ကိုးလတာကာလအထိ သူမရဲ့ဗိုက်ထဲမှာ ဝန်တစ်ခုဟာရှိနေပါပြီ အဲ့ဒီဝန်ဟာ စိုးရိမ်စရာကောင်းပြီး အေးအေးချမ်းချမ်းဟိုဘက်ဒီဘက် လှည့်ဖို့တောင် အခွင့်မသာတဲ့ ဒုက္ခ အခြေနေမျိုးပါ။ ဒီကိုယ်ဝန်ဆောင်တဲ့ကာလတစ်လျှောက်လုံးဟာ အခက်အခဲတွေ သောကတွေ ဒုက္ခတွေကြားထဲမှာ ကျော်ဖြတ်နေရတာပါ။ အဲ့ဒီအခက်အခဲကို ဖခင်တောင်ပါဝင် မျှကူခံစားပေးလို့မရပါဘူး။
အဲ့ဒီခံစားရတဲ့ဒုက္ခကို ကုရ်အာန်က حملته امه كرھا ဆိုတဲ့ စကားလုံးနဲ့ တင်ပြထားပါတယ်။
(2)ဒုတိယဒုက္ခက မိခင်ဟာမွေးဖွားတဲ့ အချိန်မှာ ခံစားရတဲ့ဒုက္ခပါ။ မွေးဖွားတဲ့အချိန်ကာလဆိုတာ ရှင်သန်ခြင်းနဲ့သေဆုံးခြင်း နှစ်ခုကြားမှာ ချိတ်ဆက်ထားပြီး အဲ့ဒီကြားကာလကို ဖြတ်သန်းနေရတဲ့ အချိန်ပါပဲ။ နာကျင်မှုရဲ့ပြင်းထန်မှုကြောင့် မိခင်ဟာ ငြီးတွားပြီး ဖြတ်သန်းခဲ့ရတယ်။ အဲ့ဒီအခက်အခဲကို ဖခင်တောင်ပါဝင် မျှကူခံစားပေးလို့မရပါဘူး။ အဲ့ဒါကို အလ္လာဟ်အရှင်မြတ်သခင်က ကုရ်အာန်ကျမ်းတော်မြတ်ထဲမှာ ووضعته کرھا ဆိုတဲ့ စကားလုံးနဲ့ တင်ပြထားပါတယ်။
(3)တတိယဒုက္ခကတော့ မွေးဖွားပြီးတဲ့နောက်ပိုင်းပဲဖြစ်တယ်။ အဲ့ဒါကတော့ မိခင်ရဲ့ ခန္ဓာကိုယ်သွေးကနေ ပြောင်းလဲလာတဲ့နို့ချိုတိုက်ကြွေးခြင်းပါ။ အဲ့ဒီမှာလဲ အဲ့ဒီအခက်အခဲကို ဖခင်ပါဝင် မျှကူခံစားပေးလို့မရပါဘူး။ အဲ့ဒီဒုက္ခတွေရဲ့ အသိဟာမိခင်မှာပဲရှိတာဖြစ်ပြီး မိခင်ဟာ အဲ့ဒီဒုက္ခတွေကို မျိုသိပ်ခံခဲ့ရသလို ခံနိုင်ရည်လဲရှိခဲ့ကြတယ်။ ဒါပေမယ့် အံ့သြစရာကောင်းတာက မိခင်ဟာ အဲ့ဒါကို ပြန်ပြောင်းပြောပြပြီး ဘယ်တော့မှ ဘယ်လိုဘယ်ဝါဖြစ်ကြောင်း ကလေးတွေအပေါ်မှာ ဂုဏ်မဖော်တတ်ဘူး။ ဘာကြောင့်လဲဆိုရင် အမေဆိုတာ ကြင်နာခြင်း ဂရုဏာရှိခြင်းရဲ့ ပြယုဂ်ပဲလေ။
အလ္လာဟ်အရှင်မြတ်သခင် အားလုံးကို မိဘရဲ့အမိန့်နာခံပြီး ပြည့်ဝတဲ့ခေဒ်မသ်လုပ်ခွင့် ချီးမြှင့်ပေးသနားတော်မူပါစေ။ (အာမီန်း)
Thursday, November 9, 2017
အဖေမသိခဲ့သော အမေခံစားခဲ့ရတဲ့ ဒုက္ခသုံးခု
Subscribe to:
Post Comments (Atom)
No comments:
Post a Comment