'သာသနာ့ပညာရှင်များအား သိက္ခာမဲ့အောင်လုပ်ခြင်းရဲ့ရလဒ်'

ဟဇရသ်ဟစန်ဘစွရီသခင်ကအမိန့်ရှိတယ် "တစ်ကယ်လို့ အိုလမာ သာသနာ့ပညာရှင်တွေသာမရှိရင် အဝါမ်လူထုဟာ လူသားမဆန်လှတဲ့ ဘဝကိုမျိုးကို ဖြတ်သန်းရနိုင်တယ်။

ရှားဟ်အဗ်ဒွလ်အဇီးဇ်မိုဟဒ္ဒီစ်ဒေဟ်လဝီသခင်က တစ်နေရာမှာ "အိလိမ်ပညာကိုစော်ကာခြင်း အာလင်မ်ကို သိက္ခာမဲ့အောင်လုပ်ခြင်းဟာ ကုဖုရ် ဖြစ်ပါတယ်"လို့ရေးသားထားပါတယ်။

ဟဇရသ်ဂန်ဂိုဟီသခင်က အမိန့်ရှိတယ် " စစ်မှန်တဲ့ သာသနာ့ပညာရှင်တွေရဲ့ သိက္ခာကိုချတဲ့သူတွေရဲ့ ကဗရ်ကို တူးပြီးကြည့်ပါ သူတို့ရဲ့မျက်နာက ကစ်ဗ်လာဘက်ကနေ လှည့်ပေးလိုက်ခြင်းကို ခံထားရပါလိမ့်မယ်"။

မော်လာနာ အိလ်ယားစ်ဆွာဟိဗ်ကို ပုဂ္ဂိုလ်တစ်ဦးက "ဆရာကြီး ဒီနေရာမှာရှိတဲ့ အာလင်မ်တွေ ကျွန်တော်တို့နဲ့အတူ လက်တွဲ မလုပ်ကူကြဘူး"လို့ တိုင်တန်းတော့ မော်လာနာအိလ်ယားစ်ဆွာဟိဗ်က တော်တော်စိတ်ဆိုးသွားပြီး မိန့်တယ်။ "မှတ်ထား နောက်နှောင်အာလင်မ်တွေနဲ့ပက်သက်ပြီး တိုင်းတန်းတာလုပ်ခြင်းမျိုးရှောင်ပါ အဲ့လိုမှမဟုတ်ရင် အဆုံးသတ်မှာ ခင်ဗျားအီမာန်ပါ ပါမှာမဟုတ်ဘူး"။ (မဂျာလိစေအဗ်ရာရ်)

ဟဇရသ်ဟစန်ဘစွရီ(ရဟေ့)သခင်က အမိန့်ရှိတယ် "အိုလမာ သာသနာ့ပညာရှင်တွေဆိုတာ ကြယ်တွေလိုပဲ သူတို့တောက်ပနေပြီဆိုရင် လူတွေသူတို့စီကနေ လမ်းကိုရှာတွေ့ကြတယ် သူတို့ဖုံးကွယ်သွားပြီဆိုရင်တော့ လူတွေသောကထဲ ရောက်သွားကြတယ် ပြီးတော့ စစ်မှန်တဲ့ အာလင်မ်တစ်ယောက်ရဲ့ဆုံးပါးသွားခြင်းဟာ ကေယာမသ်နေထိ အစားပြန်ထိုးလို့မရနိုင်တဲ့ အစ္စလာမ်အတွက် ဆိုးကျိုးတစ်ခုပါပဲ" (သန်ဗီဟွလ်ဂါဖီလီးန်)

ကလောင်မင်း